Yenidən dirçələn dünya heqemonu!
Çoxlarınıza, xüsusilə də 2000-ci illərdə yaşamış insanlara yaxşı tanış olan bir şirkət haqqında bəzi maraqlı faktları bölüşmək istəyirik👇
Bu şirkətin yaşı 160 ildən çoxdur ⏳
Fəaliyyətinə hələ 1865-ci ildə kağız istehsalı ilə başlayıb 📄
Müxtəlif mərhələlərində isə:
• avtomobil şinləri 🚗
• elektrik kabelləri ⚡️
• qaloşlar (rezin ayaqqabılar) 👢
• elektrik enerjisi avadanlıqları 🔌
• televizorlar 📺
istehsal edib.
Amma dünya şöhrətini ona tamamilə başqa bir məhsul qazandırdı 🌍
Müəyyən bir dövrdə bu məhsul üzrə Dünya bazarının yarısından çoxuna sahib idi 📊 Onların modellərindən biri isə hələ də tarixdə ən çox satılan elektron cihaz sayılır 🏆
Düşünürəm Şirkətin adını artıq tapdınız😉
Söhbət Nokia şirkətindən gedir 📱
Bilmirəm sizdə necədir, amma mənim beynimdə dərhal o məşhur rinqton və sloqan səslənir: “connecting people” 🎶
📈 1994-cü ildə şirkət New York Stock Exchange-də listinqə çıxdı.
Səhmlər 1.25 dollar səviyyəsindən ticarətə başladı 💵
Və artıq 2000-ci ildə isə qiymət 60 dollara çatmışdı 🚀
Bu isə illik 85% (!) gəlir demək idi 🤯
Elə görünürdü ki, heç nə bu şirkəti sarsıda bilməz. Amma… təbii ki heç nə əbədi deyil ⏳
Gəlin qısa bir tarixi arayış verək:
📡 Şirkət kommunikasiya sektorunun perspektivini ilk anlayanlardan biri oldu və 1970-ci illərdən etibarən bütün diqqətini bu sahəyə yönəltdi.
Onların telefonları “isti pirojki” ( ya da “peraşki”) kimi satılırdı 🔥
Xüsusilə Nokia 3310 modeli — (kimdə olub? 😄) — möhkəmlik və keyfiyyətin simvoluna çevrilmişdi 💪📱 Amma rəqiblər təbii ki boş oturmurdu 👇
Şirkət məhsulun keyfiyyətinə fokuslandığı halda, bazara bir rəqib çıxdı. Və o artıq sadəcə məhsul yox, ekosistem yaradırdı 🌐
Bəli, düz tapdınız — bu Apple şirkəti və məşhur iPhone smartfonu idi 🍎
Texniki olaraq o vaxt daha zəif olsa da, yeni yanaşması ilə fərq yarada bildi. Müştərini cəlb etməyi çox yaxşı bacarırdılar.
📉 Nəticədə:
• satışlar azalmağa başladı
• zərərlər artdı
2012-ci ildə səhmlər 1.56 dollar-a qədər düşdü 💥Yəni 2000-ci ilin zirvəsindən 98% dəyər itirdi 😱Artıq 2013-cü ildə mobil telefon bölməsi Microsoft-a satıldı 🤝
Şirkət isə kommunikasiya avadanlıqları sektorunda qaldı 📡 Burada rəqabət daha yumşaq idi.
Bu qədər söz yığınından sonra, Sizdə belə bir sual yarana bilər:
❓ “Niyə mən bu gözəl günəşli günündə vaxtımı naftalin iyi verən şirkətə sərf edirəm?”
Cavab çox maraqlıdır 👇
Keçən ilin sonunda şirkətin yeni səhmdarı oldu 🤯 Bu da məşhur NVIDIA şirkətidir. Və əlbəttə ki, bu hadisə AI (Artificial Intelligence) ilə bağlıdır 🤖
Hazırda AI sorğularının əksəriyyəti böyük data mərkəzlərində işlənir 🏢Bu isə:
• çox resurs tələb edir ⚡️
• vaxt aparır ⏱️
Jensen Huang (NVIDIA şirkətinin rəhbəri) proqnozuna görə isə, yaxın gələcəkdə avtonom çalışan cihazların sayı artacaq:
• robotlar 🤖
• avtonom avtomobillər 🚘
• ağıllı eynəklər 🕶
Bu cihazlarda qərarlar millisaniyələr ərzində verilməlidir ⚡️Yəni hər cihaz əslində mini data mərkəzi olacaq 💻Amma bunun üçün güclü kommunikasiya texnologiyaları lazımdır 📡hansı ki NVIDIAda yoxdur. Və məhz burada Nokia-nın təcrübəsi ön plana çıxır 💡
📊 Bu xəbərdən sonra səhmlər 6 dollardan 8 dollara yüksəldi 📈
Düzdür, tarixi zirvələr hələ çox uzaqdadır…🔮 İndi də hamını maraqlandıran əsas sual:
Bu şirkət yenidən dirçəlib əvvəlki möhtəşəm günlərinə qayıda biləcəkmi?
160 illik tarix göstərir ki, NOKIA sağ qalmağı bacarır. İndi isə təkrar qalib gəlməyi bacardığını sübut etməlidir 💪
