İnvestisiya strategiyaları haqqında qısa arayış.
Salam. Yazılar boyunca biz çoxlu terminologiyadan istifadə edirik. Hedge fund manager, dəyər-yönümlü investisiya, multiplikator və s. Düşündük ki əsas investisiya strategiyaları haqqında qısa məlumat olsa, oxucularımız üçün faydalı olar. Marafonumuz 🏃🏻♂️boyunca təbii ki biz bunları daha detallı 🔬 izah edəcəyik. Bunları bilən oxuyucularımız dərhal digər yazılara keçə bilər 😉
🧠 Fundamental Strategiyalar
Bu tip strateqiyalar biznesin təhlili üzərində qurulur və iki əsas növü var.
• 📉 Dəyər (yönümlü) investisiya (Value Investing) – Şirkətin biznesini dərindən təhlil edərək, daxili dəyərindən aşağı qiymətləndirilmiş aktivlərin alınması.
• 🚀 Artım investisiyası (Growth Investing) – Gəlir və inkişaf potensialı yüksək olan şirkətlərin səhmlərinin alınması
Bu strategiyanı seçənlər adətən individual səhmlərə üstünlük verirlər.
🌍 Makroiqtisadi Strategiyalar.
Iqtisadiyyatın ümumi gedişatı proqnozlaşdırılır və onlara əsasən investisiya istiqamətləri müəyyən edilir.
• 🌐 Qlobal makro strategiyası (Global Macro) – Qlobal iqtisadi, siyasi və maliyyə trendlərinə əsaslanan qərarlar
• 🪖 Geosiyasi investisiya (Geopolitical Investing) – Müharibə, sanksiyalar, seçkilər kimi geosiyasi hadisələrin nəzərə alınması
Bunu seçən investorlar geniş indeks fondları (məsələn “Nasdaq”), maliyyə və əmtəə törəmə alətləri (fyuçers, opsion və s.) və valyuta kimi alətlərdən istifadə edirlər.
🤖 Kvant və Sistemli Strategiyalar
• 📊 Kvant (rəqəmsal) investisiyası (Quantitative Investing) – Alqoritmlər və statistik modellərlə investisiyaların idarə edilməsi.
• 🔬 Statistik arbitraj (Statistical Arbitrage) – Qiymət fərqlərinə əsaslanaraq arbitraj imkanları
• 📈 Trend izləmə (Trend Following) – Qiymət trendlərinə uyğun alış və satışlar
Bu tip strategiyalar istənilən alətlərdə müəyyən qeyri-effektivliyi axtararaq, onlardan faydalanmağa çalışırlar. İndiki dövrdə bunun üçün çox müasir məlumat bazası və hesablama gücü lazımdır.
🔐 Alternativ Strategiyalar
• 🧬 Private Equity / Venture Capital – Özəl şirkətlərə (adətən birjada kotirovkası olmayan) və startaplara investisiya edirlər
• 🏠 Real aktivlər – Daşınmaz əmlak, infrastruktur, fiziki qızıl, sənət əsərləri və s.
🌱 Davranışsal və Tematik Strategiyalar
• 🧠 Davranışsal investisiya (Behavioral Investing) – Bazar iştirakçılarının psixologiyasını nəzərə alaraq investisiya qərarların verilməsi. Əslində fikrimizcə bütün investisiya növləri insanın psixologiyasını nəzərə alırlar.
• 🚀 Tematik investisiya (Thematic Investing) – Trendlərə fokus: Süni intellekt, ESG, biotexnologiya və s. Bu tip investorlar adətən individual səhm və ya müəyyən sektorun fondlarına (ETF) pul yatırırlar
⏳ Vaxt Aralığı və Stilə görə Strategiyalar
• 🔄 Aktiv və passiv (Active vs Passive) – Aktiv idarəetmə - alqı satqı qərarların investor tərəfindən tez tez verilməsi. Passiv idarəetmədə isə indeks və ya səhm portfeli bir dəfə alınır və uzun müddət saxlanılır.
• 🕰 Qısamüddətli və uzunmüddətli (Short vs Long-term) – Gündəlik alqı/satqıdan, uzun müddət ərzində portfeldə saxlanılan investisiyalar.
Təbii ki siyahı bunlarla kifayətlənmir, ancaq biz əsas olanları qeyd etməyə çalışdıq.
